Ялларда һава торышы ничек булыр?

Октябрьнең беренче көннәре кояшлы һава торышы белән сөендерде. Әмма ялларга һава температурасы җайлап түбәнәя башлаячак, ди Башгидрометүзәк синоптиклары.

Бүген, 4 октябрьдә, явым-төшем көтелми. Җил көньяк-көнчыгыштан, көньяктан. Көндез термометр баганалары +13, +18 градус күрсәтәчәк.

Шимбә көнне, 5 октябрьдә, шулай ук әллә ни явым-төшем юк. Җил көньяктан, көньяк-көнбатыштан. Һава температурасы төнлә 0, +5 градус булса, урыны белән -5 градуска төшәчәк, көндез +13, +18 градус фаразлана.

Якшәмбе, 6 октябрьдә, урыны белән бераз яңгыр яварга мөмкин. Көньяк-көнбатыштан искән җил төньяк-көнбатышка үзгәрәчәк. Һава температурасы төнлә +3, +8 градус, урыны белән -2 градус салкын булачак. Көндез термометр баганалары +12, +17 градуска күтәреләчәк.