“Русия - спорт державасы”на килегез!

Русия президенты Владимир Путин Монголия делегациясен октябрь аенда Уфада узачак “Русия - спорт державасы” форумына чакырды.

 “Монголия делегациясен “Русия- спорт державасы” халыкара форумында көтеп калабыз. Ул октябрьдә Уфа шәһәрендә узачак, - диде ил Башлыгы Монголия президенты Ухнаагийн Хурэлсухом белән сөйләшүләр ахырында.

Президент Монголия спортчыларының Русиядә узган БРИКС уеннары, “Азия балалары”, Киләчәк уеннары кебек халыкара спорт чараларында моңа кадәр катнашуларын да искә алып китте.