Яугиргә медальне өйләнгәндә тапшырганнар

Дүртөйле районы хакимияте башлыгы Риф Йосыпов махсус хәрби операция яугиренең никахлашу тантанасында катнашкан.

“Махсус хәрби операциядә катнашучының никахлашу тантанасында аңа генерал Шайморатов медален тапшыру мөмкинлеге тиде”, – дип язган район җитәкчесе үзенең социаль челтәрләрендә. – Без якташыбыз белән горурланабыз. Ул – чын патриот, туган ягын һәм дәүләт мәнфәгатьләрен тугры яклаучы. Һәм бүген алар Татьяна белән бергә гаилә корырга дигән мөһим карар кабул иттеләр”.

Риф Йосыпов сүзләренчә, яшьләрнең мәхәббәтенә авыр сынаулар аша узарга туры килә. “Әмма мөнәсәбәтләр тагын да ныгыр һәм тугры солдатыбызның тормыш иптәше аның ышанычлы тылы булыр дип ышанабыз”, – ди ул.

Район җиткәчесе аларга чиксез бәхет һәм мәхәббәт, киртәләрне бергәләп җиңеп чыгуларын, бер-берсенә һәрчак таяныч булуларын теләгән. “Безнең Исмаил егетенең җиңү белән кайтырына ышанам. Шулай булсын! Амин!” – дигән теләктә Риф Сәгъдәтулла улы.