"Асылташ" форумында Бөтенрусия яшьләр грант проектлары бәйгесенә йомгак ясалды

Бай белем алу өлеше, команда активлыгы, билгеле кешеләр, экспертлар белән очрашу, "Батырлар узышы" - республиканың Зилаир районы мәйданында 500-дән артык яшь активист шундый программа үтте.
Башкортстан Республикасы Башлыгы Хакимияте җитәкчесенең эчке сәясәт буенча беренче урынбасары Азат Бадранов катнашучыларга: "Бу форумның төп философиясе - Башкортстан яшьләренең конкурент сәләтен үстерү. Үз вакытында без мондый чаралар турында хыяллана гына идек", - дип катнашучыларга мөрәҗәгать итте.
Азат Шамил улы катнашучылар белән Зилаир районының "Яшьләр" аллеясендә 50 төп ылыслы агачлар утыртты. "Русия яшьләре. Грантлар" Бөтенрусия яшьләр проектлары бәйгесе йомгаклары форумның иң югары ноктасы булды. Конкурсның 3,5 млн. сумлык приз фондын 9 җиңүче бүлеште.
Азат Бадранов аеруча зур хезмәт күрсәткән активистларга бүләкләр тапшырды. Алар арасында "Штурм" Сибай хәрби-спорт патриотик клубы җитәкчесе, "Хан" укчылар клубы инструкторы Фаяз Хәсәнов булды. Аңа уңышлы җәмәгатьчелек эшчәнлеге өчен республика җитәкчесенең Рәхмәт хаты тапшырылды .
Форум Башкортстан Республикасы Башлыгының Грантлар фонды булышлыгында үтте.

"Сибайский рабочий" гәзите сайты буенча.