140 комбайнга күбрәк

2024 елгы урып-җыю кампаниясенә республикада 3,9 меңләп ашлык җыю комбайны чыгачак. Бу үткән ел белән чагыштырганда 140 берәмлеккә күбрәк. 2024 елда 80 агрегат сатып алынган.

– 2019 ел башыннан 2024 елның июнь аена кадәр төбәк аграрийлары 12 млрд сумлык 1,2 меңнән артык ашлык җыю комбайны сатып алдылар, – диде Нуриман районында республика “Басу көне”ндә БР Хөкүмәте Премьер-министры урынбасары – авыл хуҗалыгы министры Илшат Фазрахманов. – Бу тракторларның уртача яшен 18 яшьтән 16,7 яшькә кадәр киметергә, бөртекле культураларны суктырганда бер комбайнга йөкләнешне 510 гектардан 440 гектарга кадәр киметергә ярдәм итте. Сезонлы кыр эшләрен оптималь агротехник срокларда башкарырга, һава торышы шартлары хәвефен киметергә һәм уңышны югалтуны киметергә мөмкинлек бирә.

Беренче яртыеллыкта республика аграрийлары тарафыннан 5,1 млрд сумлык 1,1 мең берәмлектән артык техника сатып алынган.

Исегезгә төшерәбез, агросәнәгать комплексының техник паркын модернизацияләү республика программасы кысаларында аграрийларга техника һәм җайланмалар сатып алу чыгымнарының 50%ка кадәрен субсидиялиләр. 2024 елда бу максатларга республика бюджетыннан 1 млрд сум акча бүлеп бирелде. 

Чыганак: pravitelstvorb.ru