Һава торышы эссе булачак

Синоптиклар фаразлары буенча, алдагы көннәрдә эссе һава торышы көтелә. Башкала мэры Ратмир Мәүлиев үзенең социаль челтәрләрендә хәбәр итүенчә, шәһәр хезмәтләре бу көннәрдә көчәйтелгән режимда эшләячәк – урамнарга, тротуарларга, чәчәкләргә һәм газоннарга су сибәчәк.

“Артык ихтыяҗ булмаса, бу көннәрдә өйдән чыкмагыз күбрәк су эчегез, рөхсәт ителгән урыннарда гына су коеныгыз. Сак булыгыз!Үзегезне һәм якыннарыгызны саклагыз!” – дип кисәткән ул Уфа халкын һәм кунакларын.

Синоптиклар хәбәр итүенчә, бүген, 5 июль көнне, явым-төшем көтелми. Җил юнәлеше үзгәрүчән, талгын. Һава температурасы көндез +29, +34°.

Шимбә көнне, 6 июльдә, төнлә явым-төшем көтелми, көндез кыска вакытлы яңгырлар явып узарга мөмкин. Җил көнчыгыштан, урыны белән көчәючән Һава температурасы төнлә +16,+21°, көндез +28,+33°.

Якшәмбе көнне, 7 июльдә, төнлә явым-төшемсез. Көндез күк күкрәп кыска вакытлы яңгыр явачак. Җил көнчыгыштан уртача тизлектә, көндез урыны белән көчәючән. Термометр баганалары төнлә +16,+21°, көндез +26,+31° градус күрсәтәчәк. 

Чыганак: bashinform.ru