Иран белән дуслык көчәя

Петербург халыкара иктисади форумы мәйданында Башкортстан Республикасы Башлыгы Радий Хәбиров РФда Иран Ислам Республикасының тулы вәкаләтле илчесе Казем Джалали белән очрашты.

Башкортстан-Иран бәйләнешләре сыйфатлы яңа дәрәҗәгә чыкты, дип билгеләп үтте Радий Хәбиров.

• Безгә Ираннан бизнес-делегацияләр килә башлады, - диде ул. – 2024 елның маенда Сибай шәһәрендә үткән бөтенрусия инвест сабантуенда Иран эшкуарлары да катнашты. Без сезне республикага тагын да чакырабыз, 6 июльдә Евразия күчмә цивилизацияләр музее ачылачак, 31 августта Уфа шәһәренең 450 еллыгына багышланган федераль чаралар үтәчәк.

Радий Хәбиров Иранның президенты Ибраһим Раисиның фаҗигале һәлак булуы уңаеннан чын күңеленнән кайгыларын уртаклашты.

Чыганак: glavarb.ru