3 сумлык акча чыга

3 июньдә Русия Банкы “Шәһәрләр” сериясендә  “Уфага нигез салынуның 450 еллыгы”на 3 сумлык истәлекле көмеш тәңкә акча чыгарды. Тиражы - 3 мең.

Тәңкә 925 пробасыннан эшләнгән, аның авырлыгы - 31,1 грамм.

Бер ягында Русия дәүләт гербының рельефлы сурәте төшерелгән.  «Российская Федерация» һәм «Банк России» дигән язулар бар. 3 сум икәне һәм чыгу елы  күрсәтелгән.  

Тәңкәнең арткы ягында Уфа гербының рельефлы сурәте һәм Совет мәйданы ансамбле, Шәйморатов һәйкәле төшерелгән. Аска “Уфа 450” дип язылган.