Башкортстан тирмәләрен нигә яраталар?

Башкортстан тирмәләре Русиядә һәм БДБ илләрендә зур популярлык яулый. “Агыйдел” художество  җәмгыяте җитәкчесе Гүзәл Кәримова моның сере белән бүлешкән.

• Уңайлы тирмә төзү – минем хыялым булды, - ди ул. – Безнең тирмәләр торак өчен генә түгел, төрле чаралар өчен дә туры килә. Бөтенрусия, халыкара чараларда ул Башкортстанның йөзен күрсәтә. 2023 елда 50 илне берләштергән “Урал арты” инвестиция сабантуенда кунаклар башкорт тирмәсендә очрашып, рәсми һәм эшлекле сөйләшүләр алып бардылар. Русия һәм Беларусь төбәкләренең Х форумында иң зур тирмә төзелде: ул 452 квадрат метр тәшкил итте.

Башкортстанда эшләнгән тирмәләрне иң күбе БДБ илләрендә сатып алалар. Моны Гүзәл Кәримова мәдәниятләрнең охшаш булуы белән аңлата. Былтыр алар Казахстан Республикасының Һөнәрчеләр Союзы, “Асыл Дизайн” Мода йорты, Үзбәкстан Республикасының “Хунарманд” ассоциациясе, Беларусь Республикасының “Белхудожпромыслы” оешмасы белән килешү төзегәннәр.

2022 елдан бирле Башкортстан Республикасы Башлыгы карары белән халык һөнәрчеләренә җиһазлар, чимал сатып алу өчен дәүләт субсидияләре бирелә. Шулай ук милли кием тегүчеләргә дә дәүләт ярдәмнәре карала.