Стратегик сессия башланды

Дискуссияләрнең спикеры – Федераль салым хезмәте җитәкчесе урынбасары Виталий Колесников. Стратегик сессиядә Русия Федераль салым хезмәте, Русия Федерациясе субъектларының салым органнары, Русия Финанс министрлыгы, Башкортостан Республикасы Финанс министрлыгы вәкилләре катнашты.

- Башкортстан Республикасы Финанслар министрлыгы һәм республиканың салым органнары уңышлы һәм конструктив хезмәттәшлек итә. Бергәләп эшләү нәтиҗәсендә соңгы 4 елда Башкортстанда салым законнары актив камилләштерелә, тышкы санкцияләр басымы шартларында Башкортстан Республикасының тотрыклы үсешен тәэмин итүгә, эшлекле активлыкның кимүенә һәм эшсезлекнең үсүенә юл куймауга юнәлдерелгән берничә закон пакеты кабул ителә. 2023 елдан салым түләүнең яңа тәртибен кертү салым органнары белән мәгълүмат алмашуны үзгәртте. Шул ук вакытта республикада финанс һәм салым органнарының үзара эшчәнлеге мәсьәләләре оператив хәл ителә, - дип билгеләп үтте Башкортстан Республикасы Хөкүмәте Премьер-министры урынбасары - Башкортстан Республикасы Финанс министры Лира Игтисамова үзенең сәламләү сүзендә.

Исегезгә төшерәбез, Башкортстан Республикасында 2023 елда гына да салым ташламаларын билгеләүне, озайтуны һәм бирү шартларын күздә тоткан салымнар турында 8 закон эшләнгән һәм кабул ителгән.

Башкортстанда Хөкүмәт дәрәҗәсендә Башкортстан Республикасы берләштерелгән бюджетының салым һәм салым булмаган керемнәрен арттыру мәсьәләләре буенча ведомствоара комиссия эшли, аның утырышларында 2023 елда инвестицион, эшкуарлык эшчәнлегенә ярдәм итүгә, махсус хәрби операциядә катнашучыларга һәм аларның гаилә әгъзаларына ташламалар бирүгә, шулай ук бердәм салым счеты һәм салым буенча керем планнарын үтәү перспективалары.

Стратегик сессиянең программасы киң.

Беренче көнне, дискуссияләр барышында Русия Федераль салым хезмәтенең аналитик блогын үстерү мәсьәләләре тикшерелде, фаразлау-аналитик карарлар каралды, шул исәптән эшчәнлекне цифрлаштыру һәм мәгълүмат алмашуны яхшырту векторлары билгеләнде.

17 апрельдә «Түгәрәк өстәлләр» узачак, аларда стратегик сессия эшенә йомгак ясалачак һәм перспективага карарлар эшләнәчәк.

Чыганак: pravitelstvorb.ru