Татар җәмәгатьчелеге вәкилләре ифтарга җыелды

Кичә Уфада Башкортстан республикасының татар җәмәгатьчелеге вәкилләре ифтарга җыелды. Чарада катнашучыларны Милли Шура рәисе Васил Шәйхразыев сәламләде.
Ифтарда шулай ук Татарстанның Башкортстандагы даими вәкиле Йосыф Якубов, Бөтендөнья татар конгрессының Башкортстандагы вәкиле Альфред Дәүләтшин, Русия төбәкләрендәге татар иҗтимагый оешмалары белән эшләү комитеты җитәкчесе Марс Тукаев, Башкортстан мөселманнары Диния нәзарәте рәисе Мөфти Айнур хәзрәт Биргалин, татар галимнәре, эшмәкәрләр, сәнгать әһелләре, язучылар, журналистлар һ.б. катнашты.
Ифтар Уфа татарларына, биредәге күренекле шәхесләргә багышланган эчтәлекле чыгышлар, догалар, мөнәҗәтләр, җырлар һәм шигырьләр белән үрелеп барды.

Фото: Э.Зарипов