Дикторның якты истәлегенә багышлап

Уфада киңкүләм мәгълүмат чаралары арасында диктор Әхәт Мортазинның якты истәлегенә багышланган волейбол турниры үтәчәк. Быел ул "Динамо" спорт комплексында 2 апрельдә булачак.
Турнирда 6: "Юлдаш" радиосы, БСТ һәм ГТРК, "Башкортстан24" телеканаллары, "Башкортостан" нәшрият йорты командалары катнашачак. Башкортстан эстрадасы йолдызлары һәм Әхәт Мортазинның туганнары аерым команда булып чыгыш ясаячак. Радио һәм телетапшырулар алып баручылар, журналистлар һәм артистлар, җәмәгатьчелек һәм дәүләт эшлеклеләре турнирның төп призын уйнатачак. Катнашучылар һәм тамашачыларны кызыклы мәдәни-күңел ачу программасы, призлар һәм бүләкләр көтә. Турнир 10.00 сәгатьтә башлана. Керү ирекле.
Башкортстанның халык артисты Әхәт Мортазинны "республиканың алтын тавышы" диләр иде. Әхәт Мотагар улы телевидение һәм радиода яңалыклар, репортажлар, бәйрәм һәм дәүләт чараларыннан туры элемтәләрне алып бара иде. Ул халык хәтерендә сәләтле диктор, яхшы күңелле һәм аралашучан кеше булып калды. Телецентр коллективы өчен спорт чаралары оештыручысы иде. Ул спортның күп төрен, аеруча, волейболны ярата иде. Радиода эшләгәндә волейбол командасының алыштыргысыз капитаны булды. Әхәт Мортазин 2018 елның 13 мартында 59 яшендә вафат булды.

Фото: ufa.mk.ru