"Миңа ул акчаларны алу оят"

Красногорск шәһәрендә теракт нәтиҗәсендә янган “Крокус сити Холл” бинасыннан тамашычыларны эвакуацияләп йөрүче үсмерләр дә булуы турында язган идек. Шуларның берсе – 14 яшьлек Артем Донсковның батырлыгына кешеләр шулкадәр сокланган, аның гаиләсенә фатир сатып алыр өчен хәйрия исәбе ачканнар.

Артемның әнисе – балалар психологы булып эшләгән, әмма күптән түгел эшсез калган. Гаиләдә -  өч бала, Артемның ике кечкенә сеңлесе бар. Алар Волгоград шәһәреннән күченеп килгәннәр, ике бүлмәле фатир арендалап яшиләр. Ана капиталы булуына карамастан, аларга банклар ипотека бирүдән баш тарта.

Артем үзенә кирәк-яракка булыр дип гардеробка эшкә урнаша. Куркып йөгерешкән халыктан ул залда атыш башлануын белә. Берничә гардеробчы малай кешеләрне төркемнәргә бүлеп, төрле запас чыгу юлларыннан алып чыгалар.

• Мин эшкә урнашканда инструктаж үттем, ярый ишекләр ачык иде, - ди ул.

Артемның әнисе бу акчаларны алудан баш тарткан. "Мохтаҗ кешеләргә бирегез, безнең хәлебез ул кадәр мөшкел түгел", - дигән ул.

Русия Президенты каршындагы бала хокуклары буенча тулы вәкаләтле вәкиле Мария Львова-Белова теракт вакытында кешеләрне коткарырга ярдәм иткән укучыларны бүләкләде.

Чыганак: ufa1.ru