Һава торышы

Быел яз иркенләп, ашыкмыйча гына килә. Инде җылытачак дигәндә, кыш янәдән карларын уйната башлый. Бүген, 12 мартта да, республика буенча кар явып үтәчәк. Һава температурасы 3 - 8 градус салкын.
Иртәгә, 13 мартта, шулай ук кар явачак. Көньяк-көнбатыштан талгын җил исәчәк. Термометр баганалары төнлә 8 - 13 градуска кадәр салкын күрсәтәчәк. Көньяк-көнчыгыш районнарда 15-20 градуска кадәр суытачак. Көндез 1 - 6 градус салкын.
14 мартта да урыны белән кар явуы көтелә. Җил шулай ук көньяк-көнчыгыш тарафлардан исәчәк, вакыты белән кискен булуы мөмкин. Төнлә -8, -13, көньяк-көнчыгыш районнарда шулай ук -15, -20, көндез +1, -4 градус булуы көтелә.