Иң озын шарф бәйлиячәкләр

1-7 мартта Мәскәүдә Башкортстан стенды янында "Гаиләле Башкортстан" атналыгы үтә. Мәгълүм булуынча, 1 мартта Башкорт гаиләсе көне билгеләнде. 

БРның гаилә, хезмәт һәм халыкны социаль яклау министры Ленара Иванова "Гаиләле Башкортстан" атналыгын ачты. 

2 мартта стендта мәшгульлек темасы яктыртылды. Экспозициянең төп максаты - эш эзләүчедә туган сорауларга киң итеп җавап бирү. Тәҗрибәле белгечләр һөнәр сайлаучыларга юнәлеш бирде, резюмены дөрес төзергә өйрәтте, яшьләр һәм 60+ яшьтәгеләр  өчен бүген нинди һөнәрләр актуаль булуы турында киңәшләрен бирде. 

3 мартта иэкспозициягә килүче гүзәл затларны язгы остаханәләр көтә. Осталар нибары брендлы ике продукт ярдәмендә  матурлыкны камилләштерү серләрен ачачак.

5 мартта исә өлкән яшьтәгеләрне ничек дөрес итеп карау нечкәлекләренә  өйрәтәчәкләр.  Биредә аларга Александр исемле күнекмә -манекен ярдәм итәчәк.

Башкортстанда киңкүләмле флешмоб та үткәрәчәк.  Ул - иң озын шарф бәйләү идеясе. "Гаиләле Башкортстан" кунакларының барысының да шарфны бер-ике рәт булса да бәйләү, үзләренең җылылыгы белән бүлешү, Русия халыкларының күпгасырлык дуслыгын ныгыту мөмкинлеге булачак.

 

БР Хөкүмәте сайтыннан.