Минималь эш хакы күләме 35 мең сумга җитәчәк

2030 елга кадәр эш хакының минималь күләмен ике тапкырга арттырып, 35 мең сумга җиткерү бурычы куелды РФ Президенты Владимир Путинның Федераль Җыелышка Юлламасында.

• 2020 елдан алып минималь эш хакы күләме 1,5 тапкырга артты, - диде ул. – Ул 12 мең сумнан 19 мең сумга җитте. 2030 елда 35 мең сумнан да ким булмаска тиеш.

Башкортстанда әлеге вакытта МРОТ күләме 22 128 сум тәшкил итә. 1 гыйнвардан ул 18,5 процентка артты. Республика күрсәткече Русиянекенә караганда Урал коэффициенты аркасында 15 процентка күбрәк.