Басуда кыргый дуңгыз балаларын күргәннәр (ВИДЕО)

Кайчак кыргый җәнлекләр безгә бик якын шул, исәпкә генә алмыйбыз...

Фото:Салават Абзалов, БРның Экология һәм табигатьтән файдалану министрлыгының Телеграм-каналы.

Башкортстанда кыргый дуңгыз балалары “Аслы-Күл” табигый паркының өлкән инспекторы Салават Абзаловның камерасы объективына эләккән. Бу хакта БРның Экология һәм табигатьтән файдалану министрлыгының Телеграм-каналында хәбәр ителә.

Видеоязмада җиде кыргый дуңгыз баласының карлы басу буйлап бер-берсе артыннан йөгереп барулары күренә.

Чыннан да, кайчак тирә-юньгә ныграк игътибар итсәк, кыргый җәнлекләрнең кешеләргә бик тә якын булуын күрергә мөмкин.

Чыганак: bashinform.ru