Мәдәният өлкәсендә хезмәттәшлек дәвам итә

Республика Башлыгы Радий Хәбиров җитәкчелегендәге делегациянең Беларусь республикасына эш сәфәре дәвам итә.

Икътисад өлкәсендә үзара хезмәттәшлек турында килешүләр төзү белән беррәттән, мәдәният өлкәсендә хезмәттәшлек итүгә бәйле очрашулар планлаштырылган.

Сәфәр кысаларында Беларусь мәдәният министрының беренче урынбасары Валерий Громады һәм Башкортстан мәдәният министрының беренче урынбасары Наталья Лапшина очрашты.

Мәдәният өлкәсендә Белоруссия Дәүләт Хезмәт Кызыл Байрак орденлы филармониясе һәм Х. Әхмәтов исемендәге Башкортстан дәүләт филармониясе арасында хезмәттәшлек җайга салыначак. Уфа сәнгать училищесы һәм Минск дәүләт сәнгать колледжы арасында уртак белем бирү проектлары турында килешү тормышка ашырылачак.

Русия һәм Белоруссия өчен бердәм тарихи үткәнне саклау буенча үзара хезмәттәшлек аерым күздә тотыла. Белоруссияне фашистлардан азат итүнең 80 еллыгы уңаеннан бу союздаш республикадан Башкортстанга эвакуацияләнгәннәрнең тарихларын җыю буенча акция башлана. Ул 2025 елга кадәр дәвам итәчәк. Бу эштә үз көчләрен Башкортстанның Хәрби дан музее һәм Белоруссиянең Бөек Ватан сугышы тарихы дәүләт музее берләштерәчәк.