Кыш бабай сезне көтә!

Уфаның Ленин мәйданында Кыш бабай резиденциясе ачылды. Чарада Уфа мэры Ратмир Мәвлиев тә катнашты. Бөек Устюгтан абруйлы кунак – Кыш бабай да килде. Резиденция «Азимут» кунакханәсе каршында урнашкан.

- Һәр кем Кыш бабайга кунакка килә алсын өчен без бөтен шартларны да булдырырга тырыштык, - диде Ратмир Мәвлиев.

Кышкы тылсымчы һәм аның ярдәмчеләре кунакларны 25-30 декабрьдә –16.00 -20.00 арасында, 30 декабрьдә – 12.00дән 20.00гә кадәр, ә яңа ел төнендә көндезге 12дән төнге 2гә кадәр кабул итә.