Суытачак...

Башкортстан гидрометеорология үзәгеннән белдерүләренчә, бүген җепшек кар явачак. Җепшек кар тимерчыбыкларга һәм агачларга сарылачак, кар катыш яңгыр явуы сәбәпле бозлавык булуы көтелә. Урыны белән көртләр хасыйл булачак. Көньяк-көнбатыштан талгын җил исәчәк. Көндез -2,+3 градус булачак.
Иртәгә, ягъни 5 декабрьдә, республикада урыны белән бераз кар явачак, юлларда - бозлавык. Җил төньяк-көнбатыштан - талгын. Төнлә 7-12 градуска кадәр суытачак, республика көньягында -2 градус булачак. Көндез 5-10 градус - салкын. Көньяк районнарда 0 тирәсе көтелә.
6 декабрьдә бераз кар явачак. Көнбатыштан талгын җил исәчәк. Һава температурасы төнлә -13,-18, салкынлык урыны белән 23 градуска кадәр җитәчәк. Көндез -11,-16 градус булуы көтелә.
Әйдә кыш, кар-бураннарың, салкыннарың белән күрсәт гайрәтеңне! Югыйсә, соңгы елларда бераз йомшарып киттең!