Дәү өчпочмак пешергәннәр

Мәскәүдә "Россия" халыкара күргәзмәсендә Башкортстан пешекчеләре 100 килограмм авырлыгындагы дәү өчпочмак пешергән. Пешекчеләребез "Бишбармак", "Зур бәлеш", "Гөбәдия" милли ашларны әзерләү буенча мастер-класслар күрсәткән. Шулай ук ат ите деликатеслары белән таныштырганнар.
Өчпочмак өчен камырны 9 квадрат метр зурлыгындагы өстәлдә җәйгәннәр. Ә инде 250 литр сыешлы казанда 120 килограмм иттән бишбармак әзерләп, күргәзмәгә килгән йөзләрчә кешене сыйлаганнар. Кунаклар пешекчеләребезне бик мактаганнар!

БР Хөкүмәте сайтыннан.