"Кирәк булса, җыелышып тагын берне төзербез"

Уфа шәһәрендә хоспис ачылды һәм ул югары бәя алды. Әмма анда  мохтаҗларның барсына да урын җитми. Республикада тагын шундый объект булачакмы? Башкортстан Республикасы Башлыгы Радий Хәбировтан шул хакта сорадылар.

Радий Фәрит улы әйтүенчә, хоспис бюджет акчасына төзелмәгән. Аны Башнефть һәм Башкортстан сода компанияләре төзегәннәр.

• Койка фонды кечкенә – 40 олы һәм 20 бала өчен генә урын бар. Мохтаҗлар исә – берничә мең, - диде ул. – Бина андагы койкалар санын арттырырга мөмкинлек бирә. Икенчедән, балалар үзәге дә бар, анда паллиатив ярдәм күрсәтелми, әмма барыбер кайсыбер функцияләрне үти алачак. Әгәр дә  ихтыяҗ зур булса, бөтенебез бергә җыелып тагын берне төзи алырбыз дип уйлыйм.