Уфада 18 чыршы урнаштырылачак

Вакыт агымсудан да тизрәк ага, шикелле. Баксаң, Яңа ел да танау төбенә килеп җиткән. Димәк, Яңа ел чыршыларын кайда һәм ничек урнаштыру эшләрен бүгеннән кайгырта башларга вакыт.
Уфа мэриясеннән белдерүләренчә, быел республика башкаласында барлыгы 18 Яңа ел чыршысы урнаштырылачак. Кышкы чибәркәйләрнең иң зурлары Ленин һәм Салават Юлаев мәйданнарында урын алачак.
23 метр озынлыгындагы беренче тере чыршы шушы көннәрдә "Дулкын" паркында урын алды.
Яхшы хәбәрләр белән шатлык-куанычларда бәйрәм итәргә язсын!

Фото:bogatyr.club