Дуслык монументына чәчәкләр салынды

Халыклар бердәмлеге көне уңаеннан Дуслык монументына тантаналы рәвештә чәчәкләр салынды.

Тантанада Башкортстан Башлыгы Радий Хәбиров та катнашты. Ул республиканың күпмилләтле халкы исеменнән 1612 елның 4 ноябрендә булган вакыйгаларны искә алып үтте. Ул чакта халык ополчениесе хәрбиләре Русия дәүләтен интервентлардан азат иткән. Русия һәм Башкортстан гимны яңгырады, мәртәбәле кунаклар һәйкәлгә чәчәкләр салды.

-Бу бәйрәм безнең күңелләргә, тормышка кереп бара, - дип билгеләде Радий Фәрит улы. –Иртәннән без котлаулар юллый һәм кабул итә башладык. Кешеләр тынычлык тели. Ә бәйрәм нәкъ шул хакта. Бигрәк тә шундый агрессив чорда тирә-якта кешеләр берләшә. Беергә без көчлерәк, бергә без тынычрак.