Радий Хәбиров Петербургта Башкортстан Көннәренә старт бирде

26 августта Санкт-Петербургта Башкортстан  җитәкчесе Радий Хәбиров җитәкчелегендәге республика делегациясе төньяк башкалага сәфәр кысаларында Петропавловск крепостеның тарихи-мәдәни объектларында булды. Заячье утравында урнашкан оборона корылмасы 1703 нче елның 23 маенда төзелә башланган. Бу шәһәргә нигез салган көн булып санала.

               Санкт-Петербургның тышкы элемтәләр комитеты рәисе Евгений Григорьев төбәк башлыгын корылманың мөһим объектлары белән таныштырды. Андреев аләмен күтәрү һәм Нарышкин бастионы коралыннан залп бирү - ул Петропавловск ныгытмасының Санкт-Петербург тарихына бәйле төп традициясе. Радий Хәбиров аләмне күтәрү тантанасында катнашты һәм коралдан көннең яртысын белдерүче залп бирде.

               -Бу - Ватаныбыз тарихына бәйләнгән бик борынгы йола.  Ә без әлеге символик залп белән Санкт-Петербургта Башкортстан Көннәрен ачтык,- диде Радий Хәбиров.

***

               Әйткәндәй, бу көннәрдә Петропавловск ныгытмасында Арктика салоны чарасы бара. Аны Арктика эшләре буенча кала комитеты оештырган. Чара төньяк башкаланың мәдәни, гыйльми-мәгариф куәтен күрсәтә. Ул шулай ук кала кунакларын Арктика төбәкләре табигате, Төньякта яшәүче төп халыкның тарихы һәм мәдәнияте белән таныштыра.

               Моннан тыш, 24 августтан алып 30 сентябрьгә кадәр Санкт-Петербургның Арктика һәм Антарктика дәүләт музеенда  Валерьян Албанов исемендәге Уфа полярникларының күчмә күргәзмәсе эшли.

               БР Башлыгы сайтыннан.