Радий Хәбиров делегация белән Питерга китте

Республика җитәкчесе  Радий Хәбиров җитәкчелегендәге делегация Санкт-Петербургта Башкортстан көннәре чарасында катнаша. Чара 25-27 августта үтә.

               Программада: эшлекле очрашулар, эшлекле сөйләшүләр,  күргәзмә һәм мәдәни чараларда катнашу.

               Эшлекле форум - төп вакыйгаларның берсе. Аның барышында Башкортстанның инвестицион һәм икътисади куәте белән таныштыру, “Төбәкара партнерлык - территорияләр үсеш нигезе” темасына пленар утырыш үтә.

               Радий Хәбиров эшлекле программа кысаларында Санкт-Петербург губернаторы Александр Беглов белән очраша. Берничә мөһим килешүгә кул куелачак. Ул шулай ук шәһәрнең тарихи үзәгендә урнашкан Башкортстан экспозицияләре мәйданында булачак.

               26 август кичендә Санкт-Петербургның Сарай мәйданында “Башкортстан дусларын җыя” республика иҗади коллективлары һәм башкаручылары концерты булачак.