Вакытыңны дөрес куллан!

Бүген форумның икенче көнендә яшьләр төрле юнәлеш буенча лекцияләрдә катнаша. Шуларның берсе хәзерге заманда аеруча актуаль булган “Вакыт белән идарә итү һәм карар кабул итү” тренингы. Аны профессиональ коуч, бизнес-тренер, яшьләр сәяясәте өлкәсе, волонтерлык һәм грант конкурслары федераль эксперты Ксения Федорова үткәрде. Тренинг практик яктан да ныгытыла барды. Ничек барысына да өлгерергә, моның өчен вакытны ничек дөрес бүлергә һәм җиткерергә, ә үзеңнең сәламәтлегеңә, хис-кичерешләреңә зыян китермәскә кирәклеге турында төрле мисалларда аңлатты алып баручы. Яшьләр коуч белән бергә практик күнегүләр ясады, белемнәрен ныгытты.