Медиа-трендлар – «Яшьләр йыйыны-2023» форумында иң популяр мәйданчыкларның берсе

Идел буе федераль округының «Яшьләр йыйыны – 2023" форумы кысаларында медиа-өлкәгә багышланган мәйданчык эшли. Башкортстан Республикасы башлыгының социаль коммуникацияләр идарәсе башлыгы Елена Прочаковская форумда катнашучыларга республика белән идарә итү үзәге  (ЦУР) эше турында сөйләде. Яшьләр өчен тема кызыклы булды, мәйданчыкта күп кенә мәсьәләләр буенча фикер алышулар башланды.

ЦУР – проект офисы, ул үз эченә төрле юнәлешләрне берләштергән. Ил Президенты кушуы буенча ЦУРлар барлык төбәкләрдә дә булдырылган, әмма безнең    гражданнар мөрәҗәгатьләре, новаторлар һәм республиканың чын патриотлары белән эшләүче команданы лидер дип атарга була.

Елена Анатольевна социаль челтәрләрдә эшләүнең мөһимлеге турында җентекләп сөйләде, гәрчә алар дүрт ел элек эшли башлаганда, социаль челтәрләр эш урыннарында тыелган булса да. Бүген барлык дәрәҗәдәге чиновниклар һәм җитәкчеләр социаль челтәрләр алып барырга һәм гражданнар мөрәҗәгатьләре белән турыдан-туры эшләргә тиеш. Мөрәҗәгатьләрнең тематикасын тикшергәндә, форумда катнашучылар хакимият тарафыннан игътибар таләп ителә торган иң актуаль проблемалар турында үз фикерләре белән уртаклаштылар.

Иң кискен темаларның берсе –  сәламәтлек саклау системасына кагылганнары. Залда утыручыларны борчыган ид көнүзәк мәсьәлә – беренчел квалификацияле  медицина ярдәме күрсәтү. ЦУР вәкилләре алга таба эшләү өчен барлык уңай һәм тискәре җавапларны яздырдылар. Бүздәк районыннан яшь педагог авыл мәктәпләрен тәэмин итү турында сөйләде: әлегә интернет барлык авылларга да барып җитмәгән. Мәктәпләргә яшь педагоглар, ә педагогларга дәүләт ярдәме кирәк. Елена Анатольевна гамәлдәге ярдәм чаралары буенча консультацияләр бирде, шулай ук яшьләрне үз хокуклары турында активрак белергә, турыдан-туры республиканың ЦУР-сына мөрәҗәгать итәргә чакырды, анда теләсә нинди сорауга җавап бирергә әзер.

Сибай зооволонтеры Рина Микрюкова инцидент-менеджмент системасында дүрт аяклы дусларыбызга кагылышлы  аерым бер юнәлеш бүлеп бирүне сорады. Хатын-кыз Сибай сәүдә үзәкләре янында хайваннар өчен йортлар урнаштырырга хыяллана, әмма әлегә хакимият тарафыннан мондый ярдәм сизелми.

Ә менә Краснокама районыннан Анастасия ЦУР командасына аның мөрәҗәгате буенча күптән түгел генә ярдәм иткәне өчен рәхмәт белдерде. Аның үтенече буенча Редькино авылында юл салынган һәм яктырту баганаларын урнаштыру буенча эш алып барыла.

Социаль челтәрләрдә эшләү буенча өлкән белгеч Радик Гәрәев яшьләргә эш нечкәлекләрен җентекләп аңлатты. Яшь белгеч яшьтәшләре белән уртак телне тиз таба.

Эльвина Яхина яшьләр форумына Чакмагыш районыннан килгән. Кыз мәктәптә өстәмә белем бирү педагогы булып эшли. Быел алар медиа-үзәк ачу өчен грант откан, шуңа күрә яңа  эстәү һәм танышулар аңа бик кирәк.

- Мин бүгенге дөньяда нинди яңалыклар барлыгын, алга таба ничек эшләргә, балаларны ничек өйрәтергә икәнен белергә килдем. Хәзерге мәктәп укучылары кайвакыт укытучылардан алдарак баралар, шуңа күрә мондый очрашулар бик кирәк. Трендта булу өчен көн саен яңалыклар белергә кирәк, – дип уртаклашты Эльвина Яхина.

Чыганак: belrab.ru

Автор: Людмила Денисова.