Һава торышыннан ниләр көтәргә?

"Башгидрометүзәк" хәбәр итүенчә, алдагы көннәрдә һава торышы бераз үзгәрәчәк.

Бүген, 20 августта, Башкортстанның көньяк районнарында яңгыр явуы, яшен яшьнәве көтелә. Кайбер районнарда боз явуы да ихтимал. Җил төньяк, төньяк-көнчыгыштан уртача тизлектә исәчәк. Һава температурасы төнлә +12,+17, төньякта хәтта +7, көндез +20,+25 градус булачак.

Иртәгә көндез шулай ук бераз яңгыр явачак. Җил юнәлешен үзгәртүчән. Көндез көчле җил дә булырга мөмкин. Төнлә термометр баганалары  +8,+13, көндез +22,+27 градус күрсәтәчәк.