Мәргән укчылар ачыкланды

Беренче тапкыр оештырылган әлеге чараның оештыручылары - Урал буе Иҗтимагый башлангычлар союзы һәм фермер Рамил Юлдыбаев.

Турнирда Әбҗәлил, Белорет, Учалы, Бөрҗән, Баймак, Салават, Куергазы районнары, Уфа һәм Магнитогорск шәһәрләреннән барлыгы 72 кеше катнашты.

Ярышның төп максаты - сәламәт яшәү үрнәген пропагандалау, традицион уктан атуны популярлаштыру һәм үстерү, осталыкны арттыру, мәргән укчыларны ачыклау, яшьләрне милли спорт төренә җәлеп итү.

  72 укчы 7 көче төркемгә бүленде. Уктан ату ир-егетләр өчен - 70, хатын-кызлар өчен 60 метрдан үткәрелде. Ярышлар кызу барды. Мәргән укчыларны билгеләгәнгә кадәр өстәмә ярышлар да үткәрелде.

Ярышлар халыкара стандартларга ярашлы барды. Чөнки 2024 елда Казахстанда үтәчәк V Бөтендөнья күчмә халыклар уеннарында катнашу өчен иң яхшы укчыларны сайлап алу бурычы куелган иде. Башкортстан укчылары осталыклары елдан-ел арта. Бу Казахстанда үткән "Алтын урда" Халыкара чемпионатында да ачык күренгән. Башкортстан укчылары ярымфиналга кадәр җиткән, алар дөнья чемпионнары белән дә ярышкан.

Ярышлар караңгы төшкәнгә барды. Ниһаять, җиңүчеләр билгеләнде: төп призны Бөрҗән укчылары яулады. Алия Ишморатова һәм Денис Юлбирдин турнирның беренче җиңүчеләре дип аталды.