Кайчан җылыта инде?

Бу көннәрдә республикада салкынча һәм урыны белән яңгырлы һава торышы сакланачак, дип хәбәр итәләр синоптиклар.

Башгидромет мәгълүматлары буенча, бүген республикада урыны белән кыска вакытлы яңгырлар явачак. Җил төньяк-көнбатыштан, уртача тизлектә. Һава температурасы көндез +13, +18° градус җылы.

23 июнь көнне шулай ук кыска вакытлы яңгырлар фаразлана. Җил төньяк-көнбатыштан, көнбатыштан уртача тизлектә, көндез көчәючән. Һава температурасы төнлә +3, +8° градус җылы,  төньяк һәм таулы районнарында һавада һәм туфракта кырау төшүе ихтимал. Һава температурасы 0,-2° градуска кадәр, көндез +14, +19°.

24 июньдә шулай ук республика буенча бераз яңгыр явуы мөмкин. Җил төньяк-көнбатыштан, көнбатыштан уртача тизлектә. Көндез көчәючән. Һава температурасы төнлә +4, +9°, көндез +15, +20°. 

Чыганак: bashinform.ru