Май бәйрәмнәренә һава торышы...

Җил дә вакытында исәр, яңгыр да вакытында явар.

 Гисметио порталы хәбәр итүенчә, 29 апрельдә республикада көндез 24 градуска кадәр җылыта, болытлы булачак, явым-төшем көтелми.

30 апрельдә көндезге сәгатьләрдә яңгыр явуы көтелә. Һава температурасы +16 градус тирәсе булыр.

1 майда да явым-төшем фаразлана. Бәйрәм көнендә һава температурасы +14 градус булачак. 2, 3, 4, 5 майларда көннәр кояшлы һәм чагыштырмача җылы торачак. +15-17 градус җылылык көтелә. Яңгыр явуы икеле.

6 майда матур һава торышы күзаллана. Көндез +18, төнлә +11 градус. Ә менә 7 майда шулай ук җылы, әмма яңгыр явуы ихтимал. Җиңү көнендә, 9 майда, һава температурасы +11-12 градус булуы көтелә.

Фаразлар буенча, гомумән, май аенда һава торышы да, яңгырлар да шатландырачак.

Фото:

pibig.info