Балык тотуга чикләүләр кертелә

25 апрельдән 5 июньгә кадәр Башкортстан территориясендә уылдык чәчү сәбәпле  балык тотуның барлык кораллары белән һәвәскәр балык тоту тотыла. Бу хакта республиканың Экология министрлыгында хәбәр итәләр.

Искәрмә рәвешендә  уылдык чәчү урыннарыннан тыш яр буеннан  бер калкавычлы кармак яисә яисә кармаклар саны икедән артмаган донка белән балык тотарга рөхсәт ителә. Республиканың  балык хуҗалыгы әһәмиятендәге  су объектларында урнашкан уылдык чәчү участоклары исемлеге Идел-Каспий балык хуҗалыгы  бассейны өчен балыкчылык кагыйдәләре белән билгеләнгән.

Сәнәгать балыкчылыгына тыю 15 апрельдән алып 15 июньгә кадәр дәвам итәчәк. Түбән Кама сусаклагычында һәм аңа койган елгаларда сәнәгать балыкчылыгына тыю 25 апрельдән алып 5 июньгә кадәр дәвам итәчәк. Бер һәвәскәр балык тотучыга  тәүлеклек балык тоту нормасы 5 килограммнан артмаска тиеш. Минималь күләмгә туры килмәгән балыкны кире суга җибәрергә кирәк. Бу, мәсәлән, яңа тотылган ерткычларга, судакка, 40 см га кадәр зурлыктагы сазанга, 28 см га кадәрге корбан балыгына, 90 см га кадәрге сҗәенгә, 10 см га кадәрге кыслага кагыла.

Балык тоту кагыйдәләрен бозучыларга штрафлар яный. Гражданнар өчен бу сумма 2дән алып 5 мең сумга кадәр тәшкил итсә, вазифа биләүчеләр өчен ул 20-30 мең сумга тигез. Юридик шәхесләр өчен – 100-200 мең сум. Судноны һәм балык тоту коралларын тартып алулары ихтимал. Зур зыянга китергән яисә  үзйөрешле йөзү чарасы, электр тогы я булмаса тыелган кораллар кулланып законсыз балык тотучыларны  җинаять җаваплылыгына тарттырырга мөмкиннәр.

Республика халкы елга һәм күл ярларына ял итәргә һәм балык тотарга чыкканда елның теләсә кайсы вакытында су саклау зоналары чикләрендә транспорт чараларының хәрәкәтен һәм  парковкалауны тыюны үтәргә тиеш. Мәсәлән, Караидел һәм Агыйдел елгаларында су саклау зонасының киңлеге 200 метрга тигез. Юлларда һәм махсус җиһазландырылган каты капламалы урыннарда хәрәкәт итү  һәм машиналарны стоянкага кую искәрмә булып тора.

Чыганак: bashinform.ru