Апрель белән пенсия артып килә

Зур булмаса да, арта бит...

2023 елның апрелендә Русиядә пенсияләрне планлы индексацияләү көтә.

 1 апрельдән башланачак үзгәрешләр дәүләт пенсия тәэминаты буенча социаль пенсия алучыларга кагылачак.

Бу 1, 2 һәм 3 группа инвалидларына, инвалид балаларга, аз хезмәт стажына ия яки беркайчан да эшләмәгән өлкән яшьтәгеләргә, Бөек Ватан сугышында катнашучыларга, блокада кичкән инвалидларга, чернобыльчеләргә, бер яки әти-әнисен икесен дә югалткан балаларга һәм башка категория пенсионерларга кагыла.

Шулай ук апрельдә кайсыбер хәрби пенсионерларга да түләүләр үзгәреш кичерәчәк.

1 апрельдән пенсияләр 3,3 % индексацияләнәчәк. Боларны таблицадан карап белә аласыз.

РФ Хөкүмәтенең планлы рәвештә индексация ясавы турында проектны РФ Хезмәт министрлыгы бастырып чыгарган инде.

Нәтиҗәдә, апрель аенда 4 млн хаклы ялдагы ватандашның пенсиясе үзгәреп киләчәк. Аларның  3,361 миллионы социаль пенсия ияләре.

Хөкүмәт карары буенча, 2023 елның 1 аперелендә пенсияләр 3,3 % индексацияләнә. Нәҡъ шушы коэфициент М.Мишустин кул куячак Хөкүмәт Постановлениесе проектында теркәлгән.

Фото: province.mirtesen.ru