Рәхәтләнеп ял итәчәкбез!

Республика халкын бу атнада Ватанны саклаучылар көне уңаеннан озайлы яллар көтә. Февральдә - 28 көн. Шуңа да биш көнлек эш атнасы режимындагылар өчен бу айда 18 - 17 тулы һәм 1 кыскартылган, шулай ук 10 ял һәм бәйрәм көннәре - көтә. Ватанны саклаучылар көне быел пәнҗешәмбегә туры килә, ә җомга көне 24 февральгә гыйнвар аендагы бер ял көне күчерелгән. Шулай итеп, елның икенче аенда безне 23, 24, 25 һәм 26 февральдә озайлы яллар көтә. 22 февраль көнне эш вакыты 1 сәгатькә кыскара, чөнки ул бәйрәм алды көне. Төбәкнең Хезмәт һәм халыкны социаль яклау министрлыгы мәгълүматлары буенча, 2023 елда русиялеләрне барлыгы 121 ял һәм бәйрәм көннәре көтә. Киләсе озайлы яллар майда булачак.