Уңайлы маршрут дәвам итә

 «Урал легендасы» туристик поезды пассажирларны алдагы ялларда ( 28 һәм 29 гыйнварда да) Магнитогорскка кадәр алып барачак.

Туристлар һәм тау чаңгысын яратучылар өчен уңайлы электричка республикада 2017 елда йөри башлады. Тәүдә поезд Уфадан Белорет тау чаңгысы базасына кадәр йөри иде, соңгы елларда аны Магнитогорскка кадәр озайттылар.

“Банное” тау чаңгысы үзәгенә кадәр вокзалдан трансфер каралган. Автобуста урыннар алып куяр өчен +7-937-475-12-38 телефоны буенча хәбәрләшергә кирәк.