"Без кулланырлык идеяләр күп анда"

21 гыйнварда Башкортстан Башлыгы Радий Хәбиров  Беларусь республикасына эшлекле сәфәре барышында Гомель өлкә башкарма комитеты рәисе Иван Крупко белән Гомель парк-сарай ансамблендә булды. Бу Беларусьтагы иң борынгы музейларның берсе.

Комплекска алты музей объекты - XVIII–XIX гасыр архитектура һәйкәлләре керә.Алар исәбендә Румянцевлар һәм Паскевичлар сарайлары, Паскевичларның часовня-усыпальницалары, административ бина, “Кышкы сарай” һәм карау башнясы бар.

Радий Хәбиров архитектура комплексының Почетлы кунаклары китабында автографын калдырып:

–Без Беларусьта ике тулы көн эшләдек. Алар бик тыгыз һәм чараларга -сөйләшүләргә, күп эшлекле һәм конструктив очрашуларга бай булды. Бүген мәдәни пауза эшләргә булдык һәм Гомельдә парк-сарай комплексын карадык. Бу Беларусьтагы иң яхшы паркларның берсе. Без дә үзебезнең паркларны яхшырту өлкәсендә күп эшләр алып барабыз. Ә монда без кулланырлык идеяләр күп, - диде Радий Фәрит улы.