Зәмһәрир салкыннар тагын кайчан булачак?

Синоптиклар фаразлары буенча, якын арада республикада моннан алда торган кебек каты салкыннар көтелми.

“Республикада аномаль салкын һава торышы һәм каты салкыннар тәмамланды, – диелгән Башгидрометүзәктә. – Бу атна ахырында һава торышына  зәмһәрир салкыннар сәбәбе булган антициклонның җылырак перифериясе йогынты ясаячак. Уртача салкынлыктагы һава торышы күзәтеләчәк. Төнлә -14°, -19° градус салкын булып, аязытканда -20°, -25° градуска кадәр җитәчәк. Көндез исә -10°, -15° градус булмакчы, урыны белән хәтта -5° градуска кадәр җылытачак.  Явым-төшем әлегә көтелми”.

-40° салкында өйдә генә утырдык, беркая чыкмадык. Кичә җылытачак дигәннәр иде, әмма -20° салкын әллә ни җылы тоелмады, җитмәсә, бераз җиле бар иде. Шуңа кыш үзенекен итәр инде ул. Салкыны да булыр, бураны да дигәндәй...

Иң мөһиме: өшеп чирләмәс өчен киенеп йөрегез, дуслар! 

Чыганак: bashinform.ru