Тышкы икътисадка еллык йомгак

- Башкортстанның тышкы сәүдә әйләнеше узган елның гыйнвар-октябрендә, 2021 елның шул  чоры белән чагыштырганда -15,4 %ка, ә экспорт күләме 19 %ка  арткан. Үткән елның 9 аенда экспортның гомум күләмендә чимал булмаган энергетика экспорты өлеше 65,3 % тәшкил итә.

 Узган елда Башкортстанның Тышкы икътисади элемтәләр һәм конгресс эшчәнлеге министрлыгы тарафыннан 14 илгә 25 эшлекле сәфәр оештырылды. Бездә 19 чит ил делегациясе кабул ителде. Республика предприятиеләре 58 күргәзмә-ярминкә һәм конгресс чараларында катнашты.

Икътисади ведомство министрының беренче урынбасары Айрат Фәхретдинов үз докладында Башкортстан экспортерларын яклау чаралары тукталды.

- Үткән елда экспорт эшчәнлегенә ярдәм итү өчен республика бюджетыннан 67,6 млн. сум акча бүленде. Бу акчалар экспортка товарларны транспортлауга һәм экспорт контрактларын үтәмәү буенча штраф санкцияләренә тотылган чыгымнарның бер өлешен, шулай ук "Ашыгыч экспорт ярдәме" проектына субсидияләүгә юнәлтелде.