Урам җыештыручылар йоклап калганмы әллә?

Кар юк дип зарлана торгач, төн чыкканчы тутырып яуган. Һәрхәлдә, бүген иртән башкала урамнары кар астында иде.

Юл һәм торак-коммуналь хуҗалыклары хезмәткәрләре бу кадәр карны тиз арада тазыртырга өлгермәгән, күрәсең: урамнарда “бөкеләр” барлыкка килгән.

“Яндекс.Карта” мәгълүматлары буенча, Уфа юлларындагы тыгыннар 8 балл белән бәяләнә.

Әйе, быелгы кыш әйләнгән саен үзгәреп тора: өченче көн генә битләрне чеметерлек салкын иде, ә бүген инде кыектан тамчы тамарга мөмкин. Чөнки көндез термометр баганалары урыны белән +1 градуска кадәр күтәреләчәк.

Шуңа юлларга чыкканда игътибарлы булырга кирәк. Аннары, ашыгып йөрмәс өчен бераз алданрак чыгуың да хәерле...