Нинди һава торышы көтелә?

Фаразларга туры киләме?

Берничә көн элегрәк  декабрь ае карга саран була дигән идек. Ә синоптиклар сөенечле хәбәр җиткерә: алдагы көннәрдә бераз кар явачак.

Башгидрометүзәк белдерүенчә,  бүген бераз кар явачак. Матур булып – күбәләк кебек кенә. Әмма җиле төньяктан, төньяк-көнчыгыштан. Һава температурасы көндез -11,-16 градус булыр дип ышандыралар.

Сишәмбедә, шулай ук, урыны белән кар ява. Җил салмак исәчәк, әмма көндез төньякка борыла.Термометр баганалары төнлә -18,-23, урыны белән -26,-31,  көндез -13,-18 булырга ошаган.

Чәршәмбедә явым-төшем көтелми. Җил төньяктан, төньяк-көнбатыштан. Һава температурасы төнлә -19,-24, урыны белән -27,-32, көндез -13,-18.

Ут-күздән сак булыгыз, киенеп йөрегез,  дуслар!

Фото: multiurok.ru