Кышның беренче ае нинди булыр?

Карлымы? Салкынмы?

Декабрь аенда кайбер төбәкләрдә, шул исәптән Башкортстанда һава температурасы нормадан түбәнрәк булачак. Русия Гидрометеорология үзәге җитәкчесе Роман Вильфанд белдерүенчә, кар бик аз һәм сирәк явачак.

“Декабрь аенда күп урыннарда салкын һава хакимлек итәчәк. Үзәк федераль округында – Мәскәү, Тверь, Ярославль, Иваново өлкәләрендә тәүлеклек уртача температураның нормадан кимрәк булуы көтелә. Идел буе федераль округында – Киров, Түбән Новгород, Казан, Уфа, Самара, Ырынбур – һәркайда нормадан тайпылыш күзәтеләчәк”, – дигән ул.

Синоптик әйтүенчә, күпчелек төбәкләрдә, шулай ук Идел буе федераль округында кар бик аз явачак.