Яңа елда ничә көн ял итәбез?

Яңа ел ялларына да озак калмады. Быел алар күпмегә сузылыр? Бу сорауга Башкортстанның Хезмәт министрлыгыннан җавап бирделәр.

“Хезмәт законнарына ярашлы, 1, 2, 3, 4, 5, 6 һәм 8 гыйнвар – яңа ел каникуллары, ә 7 гыйнвар – Раштуа – эшләми торган бәйрәм көн.

2023 елда эшләми торган бәйрәм көннәре 1 һәм 8 гыйнвар якшәмбегә туры килә. Ял һәм бәйрәм көннәрен уңышлы файдалану максатында, Русия хөкүмәте карары белән, 1 гыйнварга туры килгән ял көне – 24 февральгә, ә 8 гыйнвар ялы 8 майга күчерелә. 31декабрь исә шимбәгә туры килә”, – диелә ведомство хәбәрендә.

Шулай итеп, яңа ел бәйрәмнәрендә 31 декабрь, 1, 2, 3, 4, 5, 6, 7, 8 гыйнвар көннәрендә ял итәчәкбез.  

Еллык яки өстәмә түләүле отпуск алганда 1, 2, 3, 4, 5, 6, 7, 8 гыйнвар көннәре календарь көннәре санына кертелми.