Эшлекле очрашу нәтиҗәле булсын

Башкортстан делегациясе XVI Халыкара форумда һәм «Русия транспорты» күргәзмәсендә эшен дәвам итеп, Башкортстан Премьер-министры урынбасары Алан Марзаев “РОСДОРНИИ” федераль автоном учреждениесе генераль директоры Александр Бедусенко белән очрашу үткәрде.
Алар Башкортстанның транспорт планлаштыру документларын эшләү буенча дәүләт контрактын тормышка ашыру турында сөйләштеләр.

- Безнең республика транспорт тармагын үстерү юнәлешендә адымнар ясый, ә бу адымнар ышанычлырак булсын өчен, безгә дөрес үткәрелгән тикшеренүләргә нигезләнгән бердәм план эшләргә кирәк, - ди Алан Марзаев. - "РОСДОРНИИ" белән хезмәттәшлек киләчәктә безнең гражданнарның тормышын уңайлырак, ә төбәк инвесторлар һәм туристлар өчен кызыклырак итәчәк тө дөрес һәм оптималь транспорт логистикасын төзергә мөмкинлек бирәчәк.

Александр Бедусенко әйтүенә караганда, беренче этап кысаларында каралган эшләр эшләнгән.

- Элек институт белгечләре контракт кысаларында республика территориясендә транспорт һәм пассажир агымнарын тикшерделәр, Башкортстанның транспорт системасының торышын анализладылар, - дип сөйләде институтның генераль директоры.