Ремонтка акча булачак

“Бүген киңәшмәдә Туймазы районында урнашкан Тукай су алу объектын муниципаль милеккә тапшыру турында сөйләштек. – Шулай дип язган Башкортстан Хөкүмәте Премьер-министры урынбасары Алан Марзаев үзенең социаль челтәрләрендә.

– Фикер алышу барышында «Башнефть» компаниясе вәкилләре белән әлеге су җыю җайланмасын ремонтлауга кирәкле акчаны бүлеп бирү турында килештек.

Ремонт эшләре тәмамлангач, объектны муниципаль милеккә кабул итү процедурасы булачак. Безнең планда – барлык эшләрне ай ахырына кадәр тәмамлау. Эшлибез!”