Алар иминлек сагында!

Башкортстан Башлыгы Радий Хәбиров республиканың Эчке эшләр органнары хезмәткәрләрен һөнәри бәйрәмнәре белән котлады. Гадәттәгечә ул 10 ноябрьдә билгәләнә.

Аларның хокук тәртибен һәм халыкның иминлеген тәэмин итүгә керткән өлешен билгеләп, республика җитәкчесе полиция хезмәткәрләренә яхшы хезмәт өчен рәхмәт белдерде.

“Котларга кереп чыктым. Эсседә дә, суыкта да, көнен дә, төнен дә алар безнең сакта. Фидакәрь, сайлаган эшенә тугры, һәрвакыт ярдәмгә килергә әзерләр,”- дип язды Радий Хәбиров социаль челтәрдә.