Ул ел әйләнәсенә эшләячәк

Башкортстан Хөкүмәтендә концессион килешүгә кул куелды. Аңа БР мәгариф һәм фән министры Айбулат Хаҗин һәм "Системалы концессияләр" генераль директоры Валерий Еремин кул куйды.

- Балалар ялының һәм сәламәтләндерүнең заманча, уңайлы һәм кирәкле инфраструктурасын формалаштыру - Хөкүмәте эшчәнлегенең өстенлекле юнәлешләренең берсе. "Шифа" балалар сәламәтләндерү үзәге ел буе эшләргә тиеш. Без аны төзү урынында ике ел элек истәлек капсуласын салган идек.

Проектны тормышка ашыру өчен дәүләт-хосусый партнерлык механизмы аша шәхси инвестицияләр җәлеп итәргә карар кылынды. Бу объектка Сибай яки республикада гына түгел, ә күрше төбәкләрдә дә ихтыяҗ булачак, - диде Премьер-министр Андрей Назаров.

Проектны инженерлык инфраструктурасы, газ, су, юллар белән тәэмин итү өчен кирәкле чаралар каралган.

Объектны төзү - 3 миллиард сумга төшәчәк. Республика бюджетыннан грант күләме 756 миллион сум.

Лагерь 350 бала кабул итә алачак. Ул 2024 елның 1 сентябренә үз ишекләрен ачар дип планлаштырыла.