Республикадагы иң зур мәктәп булачак

Башкортстан җитәкчесе Радий Хәбиров туры элемтә барышында Уфаның Кузнецов бистәсендә республикадагы иң зур мәктәп төзеләчәге турында белдерде. Мәктәп 2200 урынга исәпләнгән.
Әлеге вакытта микрорайонда балалар бакчасы төзү эшләре ахырына якынлашып килә.
Радий Хәбиров Кузнецов Затонында яшәүчеләр сорауларына җавап биргәндә, "Көньяк капкасы" зуркүләмле проектын тәмамлау бистәнең үсешендә мөһим этап булачак дип билгеләде. Әлеге проект бистәне Уфа-Аэропорт трассасы белән тоташтырачак.