"Талантыгыз өчен рәхмәт!"

Башкортстан Башлыгы Радий Хәбиров традицион # ЖЗЛ_Башкортстан рубрикасында  РСФСРның, Башкортстан һәм Татарстанның халык артисты Нурия Исхак кызы Ирсаева турында язды.

"Бүген аңа 80 яшь тула. Нурия Исхак кызының бүләкләре күп, әмма иң зур бүләге  - тамашачыларның чиксез мәхәббәте һәм хөрмәте.
1965 елда Уфа сәнгать училищесын тәмамлаганнан соң, Нурия Ирсаева М. Гафури исемендәге Башкорт дәүләт академия драма театрында эшли башлый. Яшь актриса театрга  үзенең онытылмаслык өлешен кертә.
Башкорт тамашачысына Нурия Исхак кызы «Бәхет хакы», «Ай тотылган төндә», «Кара йөзләр», «Йосыф һәм Зөләйха», «Чыңгызханның ак болыты», «Кыз урлау» һәм башка спектакльләрдәге рольләре аша яхшы таныш. Ул тудырган образлар арасында иң кадерлесе – Мостай Кәримнең «Озын-озак балачак» повесте буенча куелган «Язмышлардан узмыш бар» спектакленнән Әсхәт роле.
Нурия Ирсаева һәм Фидан Гафаровның сәхнә дуэты халыкка яхшы таныш. Бу иҗади тандем Таһир Таһировның пьесасы буенча куелган «Галия» спектакле аша истә калгандыр. Әмма тәү чиратта аларны гаҗәеп лирик җырларны башкаручы буларак беләләр.
Нурия Исхак кызын юбилее белән чын күңелдән котлыйм. Сәламәтлек! Бөтен республика исеменнән - хезмәтегез һәм талантыгыз өчен рәхмәт!"