Авыл хуҗалыгына тракторлар бик кирәк

Башкортстанда елына ким дигәндә 50 чылбырлы трактор җыячаклар

Бүген Мәскәүдә “Агросалон” халыкара махсуслаштырылган күргәзмә кысаларында БР Авыл хуҗалыгы министрлыгы белән Беларусьнең алдынгы машина төзелеше предприятиесе үзара килешүгә кул куйды.

- Минск трактор заводы тракторлары Башкортстанның авыл хуҗалыгында бик  популяр. Беларусь коллегаларыбыз белән алдагы елда республикага ким дигәндә 200 берәмлек техника кайтару турында килештек, - диде БР Авыл хуҗалыгы министры Илшат Фазрахманов. - “МТЗ” техникасына безнең авыл хуҗалыгы товар җитештерүчеләре кирәк булуы сөендерә. Шуңа күрә без алга табада  тулы масштаблы хезмәттәшлек итү турында уйлыйбыз.